फाव्रिगासले मोनाको छाड्ने | Hamro Khelkud

एजेन्सी – लगातार चोटसँग जुधिरहेका स्पेनिस मिडफिल्डर सेस फाव्रिगासले फ्रेन्च लिग वान टोली मोनाको छाड्ने निर्णय गरेका छन् । उनले यो सिजनको अन्त्यसँगै मोनाको छाड्ने पुष्टि गरेको हो ।

क्याटलान क्लब बार्सिलोनाका पुर्व मिडफिल्डर फाव्रिगासले ५ वर्ष लन्डन क्लब चेल्सीमा बिताएपछि २०१९ मा मोनाको पुगेका थिए ।

‘यो निश्चित छ कि यो मोनाकोसँगको साथको अन्त्य हुँदैछ । मेरो सम्झौता जुनमा सामप्त हुन्छ र म नयाँ सुरुवात विन्दु खोज्दैछु ।’ फ्राव्रिगासले भने, ‘तर, यो वर्ष यति खराब रह्यो कि म यो करियर बनाएपछि यसरी सन्यास लिन सक्दिन । म खेल जारी राख्न चाहन्छु ।’

स्पेनसँग एक विश्वकप र दुई युरोपेली च्याम्पियनसिप जितेका साथै बार्सिलोनासँग क्लब स्तरमा सबै सम्भावित उपाधि जितेका सेस्कले आफ्नो करियर कहाँ जारी राख्ने भन्ने खुलाएका छैनन् । ‘यो एउटा राम्रो परियोजना खोज्ने र त्यसलाई पूरा गर्ने बारेमा मात्र हो ।’ उनले भने, यस वर्ष मैले धेरै पीडा भोगेको छु र यो मानसिक स्तरमा गाह्रो छ । तपाईं बलियो रहनु पर्छ ।’

Source link