बेंगलोरलाई पन्जाबको विशाल लक्ष्य | Hamro Khelkud

एजेन्सी – ओपनर जोनी बेयरस्टो र लियाम लिभिङस्टोनको सानदार ब्याटिङमा पन्जाब किंग्सले इन्डियन प्रिमियर लिग (आइपिएल) २०२२ को ६० औं खेलमा रोयल च्यालेन्जर्स बेंगलोरलाई २ सय १० रनको विशाल लक्ष्य दिएको छ ।

ब्रेबोन स्टेडियम मुम्बईमा टस हारेर ब्याटिङको निम्तो पाएको पन्जाबले निर्धारित २० ओभरमा ९ विकेट गुमाउँँदै २ सय ९ रन बनायो । पन्जाबका जोनी बेयरस्टोले २९ बलमा ४ चौका र ७ छक्कासहित ६६ रनको विष्फोटक सुरुवात गरेका थिए । लियाम लिभिङस्टोनले ४२ बलमा ५ चौका र ४ छक्कासहित सर्वाधिक ७० रनको योगदान दिए ।

ओपनर शिखर धवन र बेयरस्टोले पहिलो विकेटका लागि पाँच ओभरमा ६० रन जोड्दै उत्कृष्ट सुरुवात दिलाएका थिए । ग्लेन म्याक्सवेलको बलमा बोल्ड हुनुअघि धवनले १५ बलमा २ चौका र १ छक्कासहित २१ रन बनाए ।

वानिन्दु हसरंगाको बलमा भानुका राजपक्षे १ रनमा हर्षल पटेलबाट क्याच भए । मयंक अग्रवाल १९, जितिश शर्मा ९, हरप्रीत ब्रार र ऋषि धवन ७–७ रनमा आउट भए ।

बेंगलोरका हर्षल पटेलले ४ ओभरमा ३४ रन खर्चेर ४ विकेट लिए । वानिन्दु हसरंगाले ४ ओभरमा १५ रन खर्चेर २ विकेट लिए । ग्लेन म्याक्सवेल र शहबाज अहमदको नाममा १–१ विकेट लिए ।

Source link